سلاام ياعررب
اليوم عندي لكم موضوع حليوو
حبيت الطف جوكم فيه شوي
وهالموضوع عبارة <<<<< مهيب الي بالبحر لا قصدي يعني ( يتكون من ) <<< مدري من الي قايلكم انهم بنقاليه مايفهمون
هالموضوع عباره عن مقارنة بسيطه بين الطفل والبزر
الطفل : قليل الحركة هادي الطباع
البزر : مربووش غثيث يناقز ويتحدى القرود واتحداك يمر يوم بدون مايكسر شي
الطفل : يقول ماما
البزر : يقول يماااااااه
الطفل : يقول نعم او مرحبا
البزر : هاااااااه او وش تبي
الطفل : يقول للي اكبر منه عمو
البزر : يعاير الي اكبر منه ويحارشه
الطفل : ياكل بالشوكة والسكين
البزر : يطعن بالشوكة والسكين
الطفل : يلعب في الحديقه
البزر : يلعب في البراحه
الطفل : يلبس نعال اذا طلع للشارع
البزر : يفصخ النعال اذا طلع للشارع
الطفل : ينام بالبجامه
البزر : ينام بثوبه
الطفل : ينام في غرفته
البزر : ينام في الصاله واحيانا في الملحق
الطفل : اذا دخل على اخوياه قالهم هااي شبااب
البزر : اذا دخل على اخوياه قالهم سلااااام يابشكه
الطفل : ياكل على طاولة الطعام
البزر : ياكل على درج البقاله
الطفل : يحب يلعب دور الدكتور
البزر : يحب يلعب دور الحرامي
الطفل : يقول سلته
البزر : يقول زلطه
الطفل : تفتش جيوبه تلقى فيها 10 ريال
البزر : تفتش جيوبه تلقى فيها حصى وتراب وولاعه
الطفل : اذا كبر يسمع اغاني هادية رومنسيه
البزر : يسمع كسرااااات وجلسااات
الطفل : اذا رقم وحده يسميها بالجوال شمعة حياتي او فوفو وسوسو
البزر : مسميها ابو الشباب او خالد الملا
الطفل : ينادي حبيبتة ويقولها فديتك
البزر : يتهاوش مع خويته ويلعن سلسفيلها ويوزع رقمها
الطفل : يدخل المستشفى بسبب اكتئاب نفسي
البزر : يدخل المستشفى عشان يخيطون راسه من الفلقات
الطفل : ينادي اخوياه باسامي الدلع يعني حمودي او عبودي
البزر : ينادي اخوياه بمعايرهم يالعور يالدرج
الطفل : هواياته الرسم اوجمع الطوابع والعملات
البزر : هواياته رمي الوايتات بالحصى وصيد القطاوه في الحواري
الطفل : همه الاول والاخير اسعاد الاخرين ليكون محبوب بينهم
البزر : همه الاول والاخير جلد الاخرين عشان يصير اقوى واحد بالحاره
وانتم يالربع وش رايكم بهالمقارنه البسيطه بين الاثنين
تحسوون انها حلوه شوي بس نبطي نصير اطفال
لاننا وبكل صراحه يوم كنا صغار كنا
بزراااااااااااااان <<<<<< الحقيقه الصعبه والواقع المر
موضوع: الطفل و البزر $$ والفرق بينهم 
الثلاثاء سبتمبر 25, 2007 1:09 am
